for try only

ငါ့အက်ဆစ်တွေ

ဆုံးရှုံး... လွန်မြောက်ခြင်းများကိုသာ... တခုပ်တရ... အဟုတ်တကယ်... အစွန့်ပယ်ခံ... ပြန်အသုံးမ၀င်... တန်ဖိုးမဲ့... ဖဲချပ်များလို... အပြန်ပြန်... အလှန်လှန်... အထပ်ထပ်.. အသေချာချာ... သပ်သပ်ရပ်ရပ်... စီကာ... စဉ်ကာ... နောက်ထပ်... စီထပ်သွားရင်း... ကုလားဖန်... အမျိုးမျိုးကို... ထိုးထိုးနေရသော... ဘ၀ဆိုး၏... ဒီဇင်ဘာထဲမှာမှ... ခရစ္စမတ်ည... တညကို... ကျွန်ုပ်...ရရှိခဲ့ဖူးပါသည်... ဆိုသည်မှာ... အသေအချာ... မဟုတ်သည်မှာ... သေချာနေပါပြီ... ဟာလေလုယ... ငါ့မှာက... နံနက်ခင်းတွေ... ရှိနေသေးတယ်... ဟု... အားတင်း... ကျုံးဝါးပြီးသည့်နောက်... ဒူးမထောက်ပဲ... လဲပြိုခဲ့ရသော... တိမ်ညို... ကမ်းပါးပျောက်... မူးနောက်... မိုးမှောင်ကျ... အချိန်နာရီ ကာလများအတွင်း... စဉ်းလဲခြင်း... ဆူးရထားတစင်း... ရင်တွင်းမီးဖိုကလေး... တခုကို... အပြင်းထန်ဆုံး... တိုက်ချ... ပြေးထွက်... တက်နင်းသွားပြီးသည့်အခါ... ဟိုးအဝေးမှ... နေကြတ်... လကြတ်... မြောက်အရပ်သို့... လှည့်ပတ် သွားလာနေသော... နဂါးဦးခေါင်းသည်လည်းကောင်း... ရှေ့ဟောင်းနှောင်းဖြစ်... သမိုင်း အစစ်အမှန်များသည်... ဒဏ္ဍာရီအားဖြင့်လည်းကောင်း... အားကောင်း မောင်းသန်လာသည့်အခါ... ငါလျှောက်လာခဲ့တဲ့... လမ်းအဆုံးမှာ... အမုန်းက... ပန်းလိုပွင့်ပြီး... အချစ်က... လည်လှီးံခံလိုက်ရတဲ့... စက္ကန့်တွေ... မျက်နှာဖုံး... ထူထူတွေ တပ်ထားပြီး... စကားလုံး ဖြူဖြူတွေ... ကပ်ထားတဲ့... စာအုပ်များထဲက အစ်ဇမ်း မှန်သမျှကိုလည်း...ဘာမှ မပြောလိုပြီ...

နှင်းရေ့...
အင်းလျားလမ်းက စောင့်ပါ...
အဓိပတိလမ်းကစောင့်ပါ...
ပြည်လမ်းက စောင့်ပါ...
ခရမ်းပြာက စောင့်ပါ...
ဟံသာဝတီအ၀ိုင်းက စောင့်ပါ...
တံတားဖြူက စောင့်ပါ...
ဗိုလ်အောင်ကျော် ကျောက်တိုင်ရှေ့က စောင့်ပါ...
လှည်းတန်း အ၀ိုင်းရှိခဲ့တဲ့နေရာဟောင်းက စောင့်ပါ...
အမေ့အိမ် တံစက်မြိတ်ကလေးအောက်ကနေ စောင့်ပါ...

အမေ့အိမ် တံစက်မြိတ်ကလေးအောက်ကနေ စောင့်ပါ...
အမေ့အိမ် တံစက်မြိတ်ကလေးအောက်ကနေ စောင့်ပါ...
အမေ့အိမ် တံစက်မြိတ်ကလေးအောက်ကနေ စောင့်ပါ...

နောက်ဆုံးမိနစ်

ဘ၀က အမြဲတမ်းအချိတ်အဆက်လွဲတယ်
အမေရယ်...
အဝေးပြေးလမ်းမပေါ်တက်ပြီး
ကျွန်တော်နောက်ကျမှန်းသိတဲ့အချိန်
နှစ်ကာလတွေက တ၀ီဝီဖြတ်သန်းသွားပြီ
ယုံယုံကြည်ကြည် စူးနစ်ခဲ့သမျှ
နက်နက်ရှိုင်းရှိုင်းနာကျင်ခဲ့ရတယ်
စာရေးဆရာရှစ်နှစ်သား
ဘလော့ဂါသုံးနှစ်သား
အမေ့အတွက်တော့
လက်ကြောမတင်းတဲ့ နှစ်ဆယ့်ရှစ်နှစ်သားကြီးပေါ့
မအောင်မမြင်မချင်း အမေ့အိမ်မပြန်ဘူး
မာနတွေတင်းခံခဲ့သမျှ
အမေ့ဆီပြန်မရောက်တာပဲ အဖတ်တင်ခဲ့တယ်
မြိုကြီးတွေ မလွယ်ပေါက်ကနေ
ခွေးတိုးဝက်ဝင်ရှင်သန်နေရတဲ့ကောင်
နောက်ကျောမှာ လှောင်ရယ်သံတွေပဲ
ပဲ့တင်ပြန်လာတယ်...
အိပ်မက်တွေ အတည်တကျမက်ဖို့
ကျွန်တော့် ညရေးညတာတွေခက်နေတုန်း
အခန်းလွတ်တွေထဲ
တိတ်တိတ်ပုန်းကြေကွဲဖူးပါရဲ့
နောက်ဆုံးမိနစ်မရောက်ခင်
အေးစက်နာကျင်တဲ့ ကျွန်တော်ဝတ်ရုံကိုချွတ်လို့
အမေ့ဆီမှာ
သန့်သန့်စင်စင် လူပြန်ဖြစ်ချင်ပါသေးတယ်... အမေ။ 

မိုးလှိုင်ည 




အမေ့ပင်လယ်ကူးသဘောင်္လေး
မေမေ့အပြုံးထဲ
ကျွန်တော်ဟာ စက္ကူလှေလေးရဲ့ မာလိန်မှူး
အသက်သုံးဆယ်အထိ ဘာမှ မထူးခဲ့ဘူး ။

မေမေ့မေတ္တာနဲ့ ဆင်တဲ့ သစ်သားကွပ်ပျစ်ကလေးမှာ
မေမေ့ပေါင်ကို ခေါင်းအုံးလုပ်
သားအိပ်မက်ကလေးတွေ ပြန်အုပ်ချုပ်ပါဦးမေမေ ။

ကော်ဖီလည်း လျော့သောက်ပါတယ်
အိပ်ရေးဝအောင်လည်း အိပ်တယ်
ကွန်ပျူတာလည်း တအားမသုံးဘူး
ဘုရားလည်း မှန်မှန်ရှိခိုးတယ်
ကျွန်တော် ဆက်ညာနေတုန်းပဲ…

ရေခဲတောင်တွေလို မအေးခဲတတ်ဘဲနဲ့
ကျွန်တော်ပင်လယ်ခရီး ထွက်ခဲ့တယ် ။
နှင်းတွေကို မဖြားယောင်းတတ်ဘဲနဲ့
ကျွန်တော် ဆောင်းရာသီထဲ ခုန်ချခဲ့မိပါပေါ့ ။

မောဟတန်းလန်းနေ့စွဲတွေထဲ
တစ်နေ့တစ်လံ
တစ်နေ့တစ်လံနဲ့ပဲ
မေမေရှိတဲ့အရပ်နဲ့ ဝေးသထက် ဝေးနေတုန်း ။

မေမေတွေ့လား
ခိုက်ခိုက်တုန်သတိရစိတ်နဲ့
ညက
ကျွန်တော်
အိမ်ပေါ် ပြန်ပြေးတက်လာခဲ့တယ် ။


လင်းဒီပ

အမေ့ရဲ့မြစ်
 အဖေ...သားကိုချစ်လားတဲ့
သားက
ကျွန်တော့်ကိုမေးတယ်...
ကျွန်တော်လည်း
ပြန်မေးမိတယ်
အဖေ.. သားကိုချစ်လား... အမေ...


ကျွန်တော်တို့တစ်တွေဟာ
လသာတဲ့ညတွေမှာ
ကြီးပြင်းခဲ့တာပါ....
အမေဟာ
ဘယ် အလင်းနဲ့များ ဝင်းပနေပါလိမ့်....

Ko Wunna Ko

မေမေ့ကိုမပြောဖြစ်ခဲ့ဘူး

မေမေ့ကို လွမ်းတဲ့ အလွမ်းတွေနဲ့ အိပ်ယာဝင်ပြီး
မေမေ့ကို လွမ်းတဲ့ အလွမ်းတွေနဲ့ မျက်နှာသစ်တတ်ခဲ့တာတော့
ကြာပါပြီ...
ဒါပေမယ့် မေမေသိအောင် မပြောဖြစ်ခဲ့ဘူးထင်ပါရဲ့။

အလုပ်တွေ အရမ်းများနေလို့ပါမေမေလို့ မပြောတော့ပါဘူး...
မေမေ့ကိုလွမ်းဖို့အတွက်တော့ လုံလောက်တဲ့ အချိန်တွေရှိပါသေးတယ်မေမေ။
ပြီးတော့
လွမ်းတာထက်ပိုတဲ့ တမ်းတနေမိတဲ့အချိန်တွေလဲ ရှိသေးတယ်မေမေ..
အထူးသဖြင့်
အောင်မြင်မှုတွေကြုံရတိုင်း
ဆုံးရှုံးမှုတွေကြုံရတိုင်း
မတော်တဆ ခလုတ်တိုက်မိတဲ့အချိန်တိုင်း
လူညာတွေနဲ့တွေ့တဲ့အချိန်တိုင်း
မာနကြီးဖို့ မေ့လျော့နေတဲ့အချိန်တိုင်း
အိပ်မက်ဆိုးက လန့်နိုးလာတိုင်း
ဝမ်းနည်းစွာ ငိုကြွေးမိတဲ့အချိန်တိုင်း
စိတ်ဓါတ်ကျအားငယ်မိတဲ့အခါတိုင်း
တစ်ယောက်တည်း အထီးကျန်နေတဲ့အချိန်တိုင်း
ဒဏ်ရာတွေနဲ့ နာကျင်နေတဲ့အခါတိုင်း
မေမေလို့ တိုးတိုးလေးရွတ်နေမိတယ်...
မေမေ့ကိုတော့ မပြောဖြစ်ခဲ့ဘူးထင်ပါရဲ့..

မေမေနဲ့အဝေးမှာ
သမီးအတွက် အခက်အခဲတွေ ရှိနေခဲ့သလို
မကြာခဏတွေ့ရတတ်တဲ့ အဆင်မပြေမှုတွေလဲရှိသေးတယ်မေမေ
ပြီးတော့ မိန်းကလေးတစ်ယောက်အတွက်
မမြင်ရတဲ့ အန္တရာယ်တွေလဲ ရှိနေသေးတယ်မေမေ..
ဒါတွေကိုလဲ မေမေ့ကို မပြောဖြစ်ခဲ့ဘူးထင်ပါရဲ့...

မေမေ့ကို သနပ်ခါးသွေးပေးခဲ့တဲ့အချိန်တွေကို အရမ်းလွမ်းတယ်...
ကိုယ်တိုင်ထမင်းဗူးပြင်ဆင်ရတိုင်း
မေမေပြင်ပေးခဲ့တဲ့ ထမင်းဗူးလေးကိုသတိရလို့
ထမင်းဗူးမထည့်မိအောင် ကြိုးစားနေခဲ့တဲ့အချိန်တွေလဲ ရှိခဲ့ဘူးတယ်မေမေ..
ဒါတွေကိုလဲ မေမေသိအောင်မပြောဖြစ်ခဲ့ဘူးထင်ပါရဲ့နော်..

မေမေနေကောင်းလားလို့ မေးဖို့ ဆွံ့အနေတဲ့ သမီးကို
သမီးနေကောင်းလား လို့မေးဖို့ မပျက်ကွက်ခဲ့တဲ့ မေမေ့ကို
လိမ်ညာမိခဲ့တဲ့ အချိန်တွေလဲရှိခဲ့ဘူးတယ်မေမေ..
မကြာခဏချူချာလွန်းတဲ့ သမီးအတွက် မေမေစိတ်ပူနေမှာစိုးလို့ပါ..
ဒါတွေကိုလဲ မေမေ့ကို မပြောဖြစ်ခဲ့ဘူးမေမေ...

တကယ်ဆို သတိရတဲ့စိတ်တွေနဲ့ ပူလောင်နေပေမယ့်...
အမေ့အိမ်ကိုလွမ်းတယ်...
ချစ်တဲ့သူတွေကို အရမ်းလွမ်းတယ်လို့ ပြောမထွက်ခဲ့ပြန်ဘူး မေမေရေ..
မေမေ့သမီးက စိတ်ပျော့ပေမယ့်
သူများသနားမှာကိုလဲ မလိုချင်ပြန်ဘူး.....
ဒါကိုလဲ မေမေသိအောင်မပြောဖြစ်ခဲ့ဘူး ထင်ပါရဲ့ မေမေ..

မေမေ့နားမှာ နေခွင့်ရခဲ့တဲ့ အချိန်တွေမှာ
စာနာစိတ်နဲ့ နားလည်ပေးခဲ့တဲ့ မေမေ့ကို အရမ်းချစ်ခဲ့ဘူးတယ်..
အခုလို အဝေးကြီးမှာရောက်နေတာတောင်
အချိန်အကြာကြီးနေမှ
မေမေနေကောင်းလားလို့ မေးတတ်တဲ့သမီးကို ထပ်ပြီးနားလည်ပေးနေတတ်တဲ့
မေမေ့ကို အရမ်းကျေးဇူးတင်မိတယ်မေမေ..
ဒါကိုလဲ မေမေသိအောင် မပြောပြဖြစ်ခဲ့ဘူးလေ...

မေမေ့ကို ခဏခဏလွမ်းနေခဲ့တာကိုတောင်
မသိချင်ယောင်ဆောင်နေမိတဲ့အထိ
သမီးက မာနကြီးနေခဲ့လားမသိဘူးနော်...
တကယ်လို့ မေ့မေ့သမီးက မာနကြီးခဲ့တယ်ဆိုရင်လဲ
မာနကြီးတတ်အောင်သင်ပေးခဲ့တဲ့
မေ့မေ့ကိုကျေးဇူးတင်မိပါတယ်...
သမီးလဲ မေမေ့လိုပဲ
ချစ်တဲ့သူတွေအပေါ်မှာ
မာနပိုကြီးတတ်ခဲ့တယ် မေမေ...
ဒါကိုလဲ မေမေသိအောင် မပြောပြဖြစ်ခဲ့ဘူးနော်..

ဆိုးလွန်းတဲ့ သမီးတစ်ယောက်ကို အမြဲတမ်းလဲနားလည်ပေးပါ မေမေ..
မေမေ့သမီးက မေမေ့ရင်ခွင်ထက်
လွတ်လပ်မှုတစ်ခုကို ပိုပြီး မက်မောနေတတ်တာကိုလဲ
မသိချင်ယောင်ဆောင်ပေးပါအုံးမေမေ..

တကယ်ဆို မေမေ့ကို မပြောဖြစ်ခဲ့တဲ့အကြောင်းရင်းကလဲ
တစ်ခုမကရှိခဲ့ပါတယ်မေမေ

သမီးအတွက်
မေမေစိတ်ပူနေမှာစိုးတယ်...
မေမေသောကရောက်နေမှာစိုးတယ်..
သမီးကိုလွမ်းလို့ မေမေပူလောင်နေမှာစိုးတယ်...
ပြီးတော့ မေ့မေ့ကို ချမပြရက်တဲ့ ဝေဒနာဆိုးတွေကို မေမေသိမှာစိုးလို့ပါမေမေရယ်...


SnowLay
( အမရာ ရေးတာတွေ့လို့ ရေးဖြစ်သွားတယ် ကျေးဇူးပါ အမရာ)

(International Mother Day အမှတ်တရ)